Отырар мемлекеттік археологиялық қорық-музейіндегі «Адалдық алаңы» жобалық кеңсесінің ұйымдастыруымен кезекті отырыс өтті. Отырысты ашып берген «Адалдық алаңы» жобалық кеңсенің төрағасы Ақылбек Серік Шаймерденұлы: «Адамзатқа ертеден таныс сыбайлас жемқорлық – заманмен бірге өсіп – өркендеп, небір тегеурінді қарсылықтарға төтеп беріп, қайда мол қаражат, пайда болса, сол жерге тамыр жайып, бүгінге дейін жойылмай отырған қауіпті кеселдің бірі. Бүгінгі таңда сыбайлас жемқорлық қоғамымызды қатты алаңдатып отырған келеңсіз көріністердің бірі екені еш жасырын емес. Бұл қылмыс түрімен қоғам болып күресу мақсатында көп іс – шаралар қолға алынуда»,- дей келе, жиынның мақсатына тоқталып өтті. Отырар аудандық Жастар орталығының директоры, Отырар аудандық «Адалдық алаңы» жобалық кеңсесінің жетекшісі Досанов Азамат Әлімбайұлы «Ұлттық –мәдени құндылықтар сыбайлас жемқорлыққа қарсы» тақырыбында баяндама оқыды. Әрбір мемлекет қолданатын сыбайлас жемқорлықпен күресу әдістерінің жиынтығы өзгешелігіне, ол елдің саяси және экономикалық тұрақтылығына ғана емес, сонымен қатар әдет-ғұрпы мен салт-дәстүрлеріне, діни ерекшелігі мен құқықтық мәдениет деңгейіне және аумағы бойынша алатын жеріне, халқының саны мен орналасу тығыздығына да байланысты болып келетіндігіне тоқталды. Сонымен қатар Отырар аудандық «Адалдық алаңы» жобалық кеңсесінің төрағалығымен аудандағы атқарылып жатқан жұмыстарды баяндап өтті. Жиынға қатысушылар тарапынан баяндамашыға бірнеше сұрақтар қойылып, ой-пікірлерін білдірді